Dagurinn í dag

Var upp á Bifröst í dag í Réttarsögu hjá Sigurði Líndal. Tíminn var mjög skemmtilegur. En er ég ók undir Esjuna á leiðinni heim þá dauðlangaði mig að stoppa, hoppa út úr bílnum og labba upp Esjuna eða allavega eitthvað upp Esjuhlíðarnar. En ég lét það ógert í þetta sinn. Enda brjálað að gera núna, milliskil á mastersritgerðinni, próf í Sifjarétti hjá Láru Júlíusdóttir og svo 20 bls ritgerð í Réttarsögunni hjá Sigurði Líndal. Svo ég ákvað að Esjuferðin yrði að bíða betri tíma í þetta sinn. Eins hef ég líka hætt við ferðina á Hvannadalshnjúk af persónulegum aðstæðum, sem verður ekki farið út í nánar hér. Spurning að ég plati gönguklúbbinn minn, Gönguklúbbinn Leifur Lost, til að fara í ferð upp á Hvannadalshnjúk að ári.

En núna ætla ég að fara að lesa Hjúskaparlögin nr. 31/1993.

Góðar stundir

Athugasemdir

[Hörður Agnarsson, 16.4.2008 kl. 07:45]

Mig langar að vita hver eru inntökuskiliðin til að komast í þennan gönguklúbb?

[Ragnar F. Valsson, 16.4.2008 kl. 08:13]

Inngönguskiliðin eru líklegast þau að þekkja Leif og eiga í erfiðleikum með að rata.

[Hörður Agnarsson, 16.4.2008 kl. 09:26]

Mér sýnist ég þá eiga ágætlega í hheim í klúbbnum  

[Leifur Runólfsson, 17.4.2008 kl. 20:40]

Hingað til hafa allir verið velkomnir í þennan klúbb. En þeir sem eru í honum núna eiga það öll sameiginlegt að vera í námi á Bifröst. Fyrsta ferðin okkar var frá Stóru-Skógum að Bifröst, sú ferð tók á milli 4 og 5 tíma. Sumir skólafélagar okkar spáðu því að við myndum villast og þannig kom nafnið til. En þar sem að hluti hópsins er fluttur í bæinn, þá hefur ekki verið mikið um göngur undanfarið en það verður allavega ein ganga í næstu viku. Hugsanlega verður gengið um Þverárhlið, en það verður ákveðið eftir helgi.