Nafnabreytingar, lögrétta og lögsögumaður alþingis.

Fór áðan á ansi skemmtilega málstofa sem haldinn var í Háskólanum á Bifröst. En þar var Sigurður Líndal lagaprófessor með erindi sem bar heitið: Alþingi á Þingvöllum.

Kom hann þar fram með meðal annars hugmyndir um að taka upp gömul nöfn á ýmsu tengdu starfsemi Alþingis. svo sem að kalla þingsalinn lögréttu og að forseti alþingis yrði kallaður lögsögumaður, reyndar taldi hann að stytta mætti það í lögmann. Persónulega líst mér betur á lögsögumanninn. En fyrrum þingmaður var þarna á staðnum og reyndar annar fyrrum varaþingmaður. Gat ég ekki heyrt betur en að þeim lítist vel á þessar hugmyndir, allavega tjáði Bryndís Hlöðversdóttir að sér þætti þetta áhugaverðar hugmyndir sem ætti fyllilega rétt á sér að skoða.

Eins kom Sigurður Líndal með hugmyndir um að setja Alþingi á þingvöllum að sumri til, það er á sama tíma og Alþingi var sett hið forna, þar sem að forsætisráðherra myndi flytja hélstu stefnumál sinnar ríkisstjórnar og síðan yrði fundi frestað og haldið áfram að hausti í Reykjavík.

Að mínu mati eru þessar hugmyndir bæði mjög þjóðlegar og áhugaverðar. Auðvitað eru ákveðin vandkvæði við að setja þing á þingvöllum, spurning hvort að það þyrfti að reisa hús undir það, því ekki getum við treyst á gott veður og ófært er að láta alþingismenn hýra í roki og rigningu við setningu þings. En vissulega væri þetta þjóðlegt og áhugavert.

 

Athugasemdir

[Ragnar F. Valsson, 13.2.2008 kl. 11:03]

Ég styð heilshugar þá hugmynd að koma með lögsögumann á Lögréttu. 

[maddaman (IP-tala skráð) 13.2.2008 kl. 18:34]

...ef ég tjái mig um fyrrum varaþingmanninn þá tjáði hann sig ekki um þetta -  en mjög áhugavert hjá Sissalín. Sér í lagi er ég hrifin af Þingvallahugmyndinni. Mér er alveg sama um titlatogið......